Makedonski

ИЗБРАН ЧЕТВРТИОТ СОСТАВ НА МАКЕДОНСКИОТ НАЦИОНАЛЕН СОВЕТ

Izvor: 
Liljana Lazareska Sub, 10/11/2018 - 22:09

Tekst na srpskom jeziku.

На 4 ноември, во малата сала на Народното Собрание на Република Србија, е одржано електорско Собрание на кое се избрани 23 члена кои ќе го сочинуваат четвртиот состав на македонскиот Национален совет во Република Србија.

Повеќе од 3500  Македонци запишани во Посебниот избирачки список поддржаа 79 електори од кои на почетокот на Собранието присуствуваа 77. Девет електори, во текот на паузата, дадена за пријавување на листи, незадоволни од неможноста да состават своја, им недостасуваа само два електора, го напуштија Собранието.

Се гласаше за една листа чиј носител беше Борче Величковски. Предлогот за новиот состав на Советот беше поддржан од  61 електор, а седум ливчиња беа неважечки. 

Ова е четврти пат составот на Националниот совет на македонското национално малцинство да се избере посредно, бидејќи за непосредни избори во моментот кога се распишани изборите во Посебниот избирачки список недостасуваа околу 900 припадници на македонското малцинство. За неполн месец во овој список се запишани околу 1300 луѓе, но поради пропуштените законски рокови членовите на Советот не можеа да се изберат по непосреден пат.



Marketing

Najnovije vesti