• ШАМПИОН ВО ТЕКВОНДО

    Podeli vest:

    Facebook Twitter WhatsApp
    013 Info

    Pročitajte tekst na srpskom jeziku.

    Бојан Стефановски од Јабука, има само 21 година, студент е на втора година на Сообраќајниот факултет во Белград  и има над 60 медали освоено на турнири, натпревари на државно, европско, балканско и светско ниво во теквондо.

                Овој спорт го засакал уште од мали нозе, а започнал да тренира со седум години во ОУ„Гоце Делчев“ во Јабука.

    -Мама ми рече дека има некои боречки вештини па ако сакам можам да пробам, отидов и ми се допадна, рече Бојан сеќавајќи се на своите почетоци.

    Љубовта кон спортот ја наследил од своите најблиски, чичко му и татко му тренирале карате, а мајка му гимнастика.

    -Генетиката го направила своето, потврдува татко му Живица.

    Уште од почеток Бојан знае дека патот до успехот е долг и тежок. Благодарение на подршката од најблиските тој успева да ги направи почетните чекори и денеска храбро чекори напред.

    Со освојувањето на бронза на Светското првенство за јуниори одржано на 3 април 2012 година  во египетскиот град Шарм ел Шејк Бојан го сврте вниманието на спортската јавност кон себе и го оправда очекувањето на родителите и тренерите, на сите оние кои веруваа во него, го храбреа и финансираа. 

    Овој успех го мотивира овиј млад спортист да продолжи со исто темпо да тренира, а како резултат на тоа следуваат многу награди и трофеи освојувани на разни натпревари во Србија и странство. На почесно место во неговата голема колекција се наоѓаат пет бронзени, шест сребрени и три златни медали освоени по првата бронза во Египет.

     -Беше потребно многу труд и време, напорно тренирање, посветеност, упорност и волја да се издржи и надминат сите пречки, истакна Бојан.

    Како и кај сите млади спортисти и кај Бојан постоеле момeнти кога сакал да се откаже, повлече, затоа што е тешко, напорно, затоа што после часовите во училиштето мора да оди на тренинг.

    -Беше мал. Влијаевме на него да не се предомисли, да истрае и ако баш реши да напушти да биде храбар и сам да му каже на тренерот: „Јас повеќе нема да тренирам“, а во тој спорт тренерот отприлика има улога како генералот во војската. Постоеше некој страв да се каже: „Е, јас повеќе не можам, односно, не сакам да тренирам“.Тоа беше во почетокот, а потоа стекна физичка кондиција и волја, го засака спортот, вели мајка му Александра.

    Тој полека и постепено се искачува по скалитe на успехот во што го подржуваат неговите родители и две години помал брат Немања. На патувањата и натпреварите запознава нови другари и пријатели. Со бројот на натпреварите и кругот на пријателите е сè поголем, така, сега има другари речиси од сите градови во Србија и земјите во кои се натпреварувал. 

     

    Podeli vest:

    Facebook Twitter WhatsApp
  • NAJČITANIJE U POSLEDNJIH 96H

    Ostalo iz kategorije Srbija

    Oblačno jutro, tokom dana razvedravanje

    Sutra ujutru oblačno, ponegde slaba kiša, od sredine dana suvo uz postepeno razvedravanje. Jutarnja temperatura od 12 do 16, najviša od 23 do 27 […]

    Kako funkcioniše Alimentacioni fond

    Ministarka bez portfelja Tatjana Macura objasnila je za RTS kako se računa iznos koji se dobija iz Almentacionog fonda za jedno dete. Jovana Ružičić iz Centra za mame smatra da će sama […]