МОСТ КОЈ СПОЈУВА

Pročitajte tekst na srpskom jeziku.

По повод 70 години од организираното доселување на Македонците во Војводина, во Центарот за култура во Панчево се одржа свечена академија со богата културно-уметничка програма на која присуствуваа претставници од покраинската власт, од Град Панчево, членови на НС на МНЗ во Република Србија, гости од Македонија и граѓани на Панчево.

            Посебна чест за присутните на академијата претставуваше присуството на претседателите на Република Србија и Република Македонија, Томислав Николиќ и д-р Ѓорге Иванов кои на Македонците им порачаа да бидат лојални граѓани на земјата во која живеат, да ја чуваат својата посебност и да го негуваат јазикот.

            Претседателот на Република Србија во своето обраќање, меѓу останатото на Македонците во Република Србија им порача дека имаат целосна подршка во остварувањето на нивните права и дека Србија претставува нивен дом, нивна куќа.

            -Негувајте ја својата специфичност, негувајте ги врските со земјата на своите предци, чувајте го својот културен идентитет бидејќи е скапоцен, бидејќи тој претставува  уште една убава и важна алка на Република Србија.

            И двата претседатела сметаат дека Македонците во Србија и Србите во Македонија претставуваат мост кој ги спојува и зацврстува односите меѓу двете земји. За таа врска од ден во ден да станува сѐ посилна и посилна, според претседателот Ѓорге Иванов, потребно е сите да се потрудат за да го сочуваат македонскиот јазик.

            -Кога пишувате, зборувате и творите на македонски јазик вие активно учествувате во изградбата на нашата идеална татковина. Македонија е татковина на старословенскиот црквен јазик. Нашиот долг како Македонци е да го чуваме и постојано унапредуваме јазикот. Затоа, мој апел кон вас денеска е да не го заборавите македонскиот јазик, да ги учите вашите деца, да ги поттикнувате вашите најблиски, да бидете пример и охрабрување на Македонците на Балканот, во Европа и светот, подвлече претседателот Ѓорге Иванов.

            – Вашата куќа овде во Србија се вашите човечки права и слободи. Право на човечко достоинство, право да бидете почитувани и прифатени со целата ваша различност. Тоа ќе го постигнете само ако ги надминете внатрешните разлики, ако се помирете и збиете околу мајка Македонија, потенцираше македонскиот претседател.

            И културно-уметничката програма тематски беше посветена на овој значаен јубилеј. Прво се претстави пејачката група од Качарево „Тоше Проески“ со сплет на македонски песни, а потоа учениците од ОУ „Гоце Делчев“ од Јабука кои го учат предметот Македонски јазик со елементи на национална култура рецитираа стихови посветени на татковината и јазикот. Едночинката изведена од учениците од Лесковац на присутните им ги долови дилемите на децата чии родители им припаѓаат на различни националности. Свечената академијата заврши со настапот на етно-групата „Синтезис“ од Скопје.

Projekat „Redakcija na jezicima nacionalnih manjina – 013info/2016″ je sufinansiralo Ministarstvo kulture i informisanje Republike Srbije.

По повод 70 години од организираното доселување на Македонците во Војводина, во Центарот за култура во Панчево се одржа свечена академија со богата културно-уметничка програма на која присуствуваа претставници од покраинската власт, од Град Панчево, членови на НС на МНЗ во Република Србија, гости од Македонија и граѓани на Панчево.