ОДБЕЛЕЖАH ДЕНОТ НА ЈАБОЛКОТО ВО ЈАБУКА
Podeli vest:
Со пригодна програма одржана во Домот на културата „Кочо Рацин“ во Јабука учениците и вработените во ОУ „Гоце Делчев“ го одбележаа Меѓународниот ден на јаболкото.
Тие играа, пееја, рецитираа и глумеа во чест на јаболкото кое во оваа годишно време го има во изобилство.
Значајно место во културно-уметничката програма имаа и учениците кои го учат предметот македонски јазик со елементи на национална култура.
-Без нив не поминува ниедна приредба и прослава организирана од училиштето. Секогаш се добро подготвени и постојано пријатно ме изненадуваат, рече Милосав Урошевиќ директорот на училиштето „Гоце Делчев“.
Годинава тие гостите од Националниот совет на македонската заедница во Република Србија, родителите и своите соученици ги воодушевија со стихови посветени на есента и овошјето.
-Учеството на вакви приредби има големо значење за учениците. Освен што го покажуваат своето знаење стекнато на часовите тие имаат можност да ја победат и тремата од јавно настапување, вели наставничката која ја изведува наставата по македонски јазик во оваа училиште.
Во одбележувањето на овој ден и годинава масовно се вклучија и родителите кои направија прекрасни колачиња и пијалоци од јаболки со кои сите учесници во програмата и публиката се засладија.
Pročitajte tekst na srprkom jeziku.
Со пригодна програма одржана во Домот на културата „Кочо Рацин“ во Јабука учениците и вработените во ОУ „Гоце Делчев“ го одбележаа Меѓународниот ден на јаболкото.
Podeli vest:
