Makedonski

МАКЕДОНСКОТО ЗДРУЖЕНИЕ „ИЛИНДЕН-ЈАБУКА“ НА ШТРУДЛИЈАДАТА ВО ДОЛОВО

Izvor: 
Liljana Lazareska Uto, 05/09/2017 - 19:49

Меѓу 23 штанда, на кои беа изложени штрудли со различни филови, на 18 Штрудлијада во Долово, се наоѓаше и штандот на здружението „Илинден-Јабука“ на кој освен штрудла со афион, подготвена за натпревар, се наоѓаа и колачиња со ореви, ванилици и кроасани.

-Сѐ брзо се продаде.  На оваа манифестација нашето здружение учествува повеќе од 10 години, а јас доаѓам петта години по ред. Пред три години го освоив првото место во категорија гостинска штрудла, вели Љубица Јованоски од Јабука.

Таа е задоволна од интересот на посетителите за нивните производи на оваа манифестација, но и од соработката на другите здруженија, учесници на Штрудлијадата. Одушевена е и од гостопримството на здружението „Доловки“ од Долово кои во оваа прилика беа добри организатори и домаќини. 

- Ние го избравме овој колач затоа што е еден од најстарите и од него направивме приказна. Ние овде имаме вкупно 148 учесника, претставници од сите национални заедници. Се трудиме штрудлата да ја промовираме за да се сочува од заборав. Овие слатки ги правеле нашите баби и прабаби. Hие денеска изнесовме над 150 штрудли  филувани со афион, рогач, ореви, вишни и друго, изјави Драгана Мариќ, потпретседателка на здружението на жените „Доловки“ од Долово.

Со оваа манифестацијата тие се трудат да ја промовираат штрудлата,  но позадина на приказната е дружење и соработка со останатите здруженија, ширење на културата  и традицијата.  Многумина овие манифестации ги викаат и „јади“. Тие речиси се единствени настани кои се случуваат во селата, а здруженијата со нивната работа се трудат барем малку да го оживеат селото.

Pročitajte tekst na srpskom jeziku

projekat_manjine_baner_2017.jpg



Marketing



Najnovije vesti